ವರ್ಣಮೈರಂ ...

 ( This song is written for tune of my favourite melodious song Nenjikul Peidhudum .. from Tamil movieVarnamaiyram, check the link  http://www.youtube.com/watch?v=Dw5WE1U0Bjo   for song.
If someone tries to sing this kannada version for original tune .. please give feedback)


ತಂಗಾಳಿ ಹಾಡೋ ಹಾಡಿಗೆ
ನಿನ್ನಂದ ಮಾಡೋ ಮೋಡಿಗೆ
ನನ್ನಾಣೆ ಸೋತೆ ಗಂಧವೇ
ಹೆಣ್ಣೇ ನೀ ಮಾಯೆಯೇ

ಇರುಳೆಲ್ಲ ಹೊಳೆಯೋ ತಾರೆ ನೀ
ಮುಂಜಾವಲರಳೋ ಹೂವು ನೀ
ಬಾಒಮ್ಮೆ ನನ್ನ ಕನಸಲೂ
ಧನ್ಯ ಈ  ಜೀವವೇ  ...

ಓ ಶಾಂತಿ ಶಾಂತಿ ಓ ಶಾಂತಿ
ನನ್ನುಸಿರುಸಿರಲ್ಲೂ ನೀನೇನೆ
ಇದು ಪ್ರೀತಿನೇನೋ ನಾ ಕಾಣೆ
ನರನಾಡಿಗಳಲ್ಲು ನೀನೇನೆ ....

ಏನೋ ಒಂದು ಸಣ್ಣ ಆಸೆ
ನಿನ್ನೊಡನೆ ಕಣ್ಣ ಭಾಷೆ
ನಿನ್ನಿಂದಲೇ ನಾನಿರೀತಿ
ಸದ್ದಿಲ್ಲದೇ ತೋರು  ಪ್ರೀತಿ

ಇಷ್ಟಾದ ನಂತರವೂ ಇನ್ನೇಕೆ ಮೌನವು
ಹೇಳೊಮ್ಮೆ ಹಾಗೆಯೇ ಬಚ್ಚಿಟ್ಟ ಭಾವವು
ನನ್ನೊಡಬಾ ಅರಳೊ ಹೂವೆ
ಇನ್ನೇತಕೆ ಹಾಗೆ ಇರುವೆ

ಇವಳ್ಯಾರೋ ಯಾರೋ ನಾ ಕಾಣೆ
ಶರಣಾದೆ ನಿನಗೆ  ನಿನ್ನಾಣೆ
ನನ್ನೊಳಗೂ ಹೊರಗು ಇವಳೇನೆ
ಅನುಕ್ಷಣವು  ನಿನ್ನ ಧ್ಯಾನಾನೆ


ತಂಗಾಳಿ ಹಾಡೋ ಹಾಡಿಗೆ  
ನಿನ್ನಂದ ಮಾಡೋ ಮೋಡಿಗೆ
ನನ್ನಾಣೆ ಸೋತೆ ಗಂಧವೇ
ಹೆಣ್ಣೇ ನೀ ಮಾಯೆಯೇ

ಇರುಳೆಲ್ಲ ಹೊಳೆಯೋ ತಾರೆ ನೀ
ಮುಂಜಾವಲರಳೋ ಹೂವು ನೀ
ಬಾಒಮ್ಮೆ ನನ್ನ ಕನಸಲೂ
ಧನ್ಯ ಈ  ಜೀವವೇ  ...  || ಪಲ್ಲವಿ ||

ನೀ ನಕ್ಕರೆ ಇರುಳು ಹಗಲೇ
ಆ ಚಂದಿರಾ ನಿನ್ನ ನೆರಳೆ
ಆಕಾಶದಾ ನೀಲಿ ಬಣ್ಣ
ತುಂಬಿಹುದು ನಿನ್ನ ಕಣ್ಣ

 ಎಲೆ ಮೇಲೆ ಹನಿಯೊಂದು  ನಿನ ಬಯಸಿ ಮೂಡಿತು
 ಬಣ್ಣಗಳ  ಗಣವೊಂದು ನಿನ ನೋಡಲು ಬಾಗಿತು
 ಮುದ್ದಾಡದಾ  ಗೊಂಬೆ ನೀನು
 ಮುದ್ದಾಡುವಾ ಆಸೆ ನಾನು

 ಏನಾಯ್ತೋ ಏನೊ  ಹೃದಯಾನೆ 
ಕರೆಯುತಿದೆ ನಿನ್ನೆ ತಂತಾನೇ
ಇನು ಅಳಿವೋ ಉಳಿವೋ ತಿಳಿದಿಲ್ಲ
ನನಗೇನೂ ಇನ್ನು ಉಳಿದಿಲ್ಲಾ

ತಂಗಾಳಿ ಹಾಡೋ ಹಾಡಿಗೆ
ನಿನ್ನಂದ ಮಾಡೋ ಮೋಡಿಗೆ
ನನ್ನಾಣೆ ಸೋತೆ ಗಂಧವೇ
ಹೆಣ್ಣೇ ನೀ ಮಾಯೆಯೇ

ಇರುಳೆಲ್ಲ ಹೊಳೆಯೋ ತಾರೆ ನೀ
ಮುಂಜಾವಲರಳೋ ಹೂವು ನೀ
ಬಾಒಮ್ಮೆ ನನ್ನ ಕನಸಲೂ
ಧನ್ಯ ಈ  ಜೀವವೇ  ...  || ಪಲ್ಲವಿ ||

ಬೆಳಗಲಿ ಭಾರತ

ತೆತ್ತಲು ನೆತ್ತರು ಕತ್ತಲು ಸರಿಯಿತು
ಬಿತ್ತಲು ಬಾವುಟ  ಬಂಧನ ಹರಿಯಿತು

ಉಡಿಸಲು  ಸೀರೆ ನಿಂತಳು ಭಾರತಿ
ನಿರ್ಮಲ ಭಾವದಿ ಮಾಡಿರಿ ಆರತಿ

ಅಡಿಯಲಿ ಸಾಗರ ಮುಡಿಯಲಿ ಪರ್ವತ
ಜೊತೆಯಲೆ  ಸಾಗಿರಿ ಎಲ್ಲರು ಸೇರುತ

ಎಲ್ಲರ ಮನದಲಿ ನೆಲಸಲಿ ಒಮ್ಮತ
ಎಲ್ಲೆಡೆ ಜಗದಲಿ ಬೆಳಗಲಿ ಭಾರತ

ಹೇಳಿನ್ನು ಸಾಕು !!!!

 ವಿಷಯ : ಹುಡುಗ ಹುಡುಗಿ ಇಬ್ಬರು ಒಬ್ಬರೊನೊಬ್ಬರು ತುಂಬಾ ಪ್ರೀತಿಸುತ್ತಾರೆ ,ಆ ವಿಷಯ ಇಬ್ಬರಿಗೋ ಗೊತ್ತು ಆದರೆ ಇಬ್ಬರೂ ಹೇಳಿಕೊಂಡಿರುವುದಿಲ್ಲ. ಆಗ ಇಬ್ಬರ ಮನದಲ್ಲೇ ನಡೆಯೋ ಸಂಭಾಷಣೆ.

ನೀನೆ ಬೇಕು
ನೀನೆ ಸಾಕು
ನೀನಿದ್ದರೆ ಹಗಲು
ನೀನಿದ್ದರೆ  ಇರುಳು
ನೀನಿಲ್ಲದ ಬಾಳು
ಬೇಕಿಲ್ಲ ನನಗೆ ಕೇಳು  (ಪಲ್ಲವಿ )

ನಿನಗೂ ತಿಳಿದಿಹುದು
ನನ್ನೊಳಗಿನ ಕಲರವವು
ನಾನೂ ಅರಿತಿಹೆನು
ನಿನ್ನೊಳಗಿನ ಪ್ರೀತಿಯನು
ಸಂಜ್ಞೆಯಲ್ಲೇ ಸಂಜೆ ಮುಗಿಸೋ
ಚೋರನೆ ..
ರೆಪ್ಪೆ ಬಡಿಯದೇ ನನ್ನ ನೋಡೋ
ಧೀರನೆ
ಹೇಳಿನ್ನು ಸಾಕು
ಮುರಿ ಮೌನ ಸಾಕು
ನೀ ನನಗೆ ಬೇಕು , ಬೇಕು
ನಿನ್ನ ಜೊತೆ ಇರಲೆಬೇಕು ....(ಚರಣ ೧ ಹುಡುಗಿ)

ನಿನಗೂ ತಿಳಿದಿಹುದು
ನನ್ನೊಳಗಿನ ಸಡಗರವು
ನಾನೂ ಅರಿತಿಹೆನು
ನಿನ್ನಾ ಒಳಮಾತನು 
ಮಾತಲ್ಲೇ ನನ್ನೊಳಗೆ ಸ್ವರ ನುಡಿಸೋ
 ವೀಣೆಯೇ
ಎಲ್ಲಾ ತಿಳಿದು ಇನ್ನೂ ನಟಿಸೋ
 ಜಾಣೆಯೇ
ಹೇಳಿನ್ನು ಸಾಕು
ಮುರಿ ಮೌನ ಸಾಕು
ನೀ ನನಗೆ ಬೇಕು , ಬೇಕು
ನನ್ನ ಜೊತೆ ನೀನೆ ಬೇಕು ...(ಚರಣ ೨ ಹುಡುಗ )

ಮಳೆ ತಂದ ನೆನಪು ....

ಮಳೆ ಬಂದರೆ ನೆನಪಾಗುವೆ

ಮಳೆ ನಿಂತರೆ ಮರೆಯಾಗುವೆ

ಏನೀ ಮಳೆಯೊಡನೆ

ನಿನ್ನ ಸಂಬಂಧ

ಮಳೆ ಹನಿಗಳ ಆ ಕಂಪಿಗೆ

ನಿನ ನೆನಪಿನ ಆ ಘಳಿಗೆಗೆ

ನನ್ನೇ ಮರೆಯುವೇನೂ

ನಿನ್ನೆ ಜಪಿಸುವೆನೂ

ನೆಪಕಾದರೂ ಮಳೆಯಾಗಲಿ

ನಿನ ನೆನಪಲಿ ಮೈ ಮರೆಯಲಿ

ನನ್ನ ಈ ಬಯಕೆ

ನಿಜವಾಗಲೀ ಕ್ಷಣಕೆ .....

ಯಾರವಳು ????

ಆಗಸದಾ ನೀಲಿ
ಮೋಡದ ಜೊತೆಯಲ್ಲಿ
ಕಾದಿರಲು ನಾನು ಮಳೆ ಹನಿಗೆ
ಕಣ್ಮುಚ್ಚಿ ತಲೆಯೆತ್ತಿ
ಮುಗುಳ್ನಗಲು ನಾನು

ಹನಿಯೊಂದು ತಾಕಿತು ನನ ಕೆನ್ನೆಗೆ

ನೆನೆಯುತ ಹಾಗೆ
ಸಾಗಲು ನಾನು
ಎದುರಾಗಲವಳು ಮಿಂಚಂತೆ
ನಿಂತಲ್ಲೇ ನಿಂತೆ
ತೋಚದೆ ಏನು
ಸಿಡಿಲೊಡೆದ ಮಾವಿನ ಮರದಂತೆ

ಮಳೆಯಿಂದ ದೂರ
ಅಂದಿಂದ ನಾನು
ಆ ನೆನಪಷ್ಟೇ ಈಗ ನನಗತ್ತಿರ
ಯಾರವಳು ಎಂಬ
ಪ್ರಶ್ನೆಗೆ ಮಾತ್ರ
ತಿಳಿದಿಲ್ಲ ಇನ್ನು ನನಗುತ್ತರ.......

ಅವಳು ಕಾದ ಸಂಜೆ .......

ಮುಡಿಗೇರಿಸಿ ಮಲ್ಲಿಗೆ
ದೃಷ್ಟಿ ಇರಿಸಿ ಗಡಿಯಾರದ ಮುಳ್ಳಿಗೆ
ಕಾದಿದ್ದಳು ಗೆಳೆಯ ಬರುವ
ಆ ಹೊತ್ತಿಗೆ ...

ಕಾಯೋ ಕಣ್ಣು ಮಂಕಾದರೂ
ಸುಂದರ ಸಂಜೆ ಕೆಂಪಾದರೂ
ನೀಡುತ್ತಿಲ್ಲ ಗೆಳೆಯ ಬರುವ ಸೂಚನೆ
ಹಗಲು ಕರಗೋ ಹೊತ್ತಾದರೂ
ತಾ ಕಾಯೋ ಕಾರಣ ಅವನಾದರೂ
ಎಲ್ಲಿ ಬರದೆ ಇರುವನೋ ಅನ್ನೋ ಯೋಚನೆ

ಆಗಲೇ ಬಂದನು ಗೆಳೆಯ
ಮೋಡ ಸರಿಸಿ ಪ್ರೀತಿ ಅರಸಿ
ಬೆಳದಿಂಗಳ ಸುಂದರ ಚಂದಿರನಂತೆ
ಮುಂಗುರುಳ ತೀಡುತ್ತ
ನಸುನಾಚಿಕೆ ಬೀರುತ್ತ
ಸ್ವಾಗತಿಸಿದಳು ಇನಿಯನ ಅರಳಿದ ಹೂವಂತೆ ....

ಸುಂದರ ಕನಸು !!!!!!!!

ಈ ರಾತ್ರಿ ಹೀಗೆ ತಂಪಾಗಲು
ನನ್ನವಳ ನೆನಪು ಹೂವಾಯಿತು
ಕಣ್ನ್ ತುಂಬ ನಿದ್ದೆ ಆವರಿಸಲು
ಕನಸೊಂದು ಹಾಗೆ ತೆರೆ ಕಂಡಿತು

ಕ್ಯೆ ಬೀಸಿ ಕರೆಯಲು ನನ್ನನ್ನು ಅವಳು
ತಲೆ ಏರಿ ಕೂತಿತ್ತು ಪ್ರೀತಿಯ ಅಮಲು
ಕಾಲ್ಗೆಜ್ಜೆ ಸದ್ದು ಕೂಗಿತ್ತು ನನ್ ಹೆಸರು
ಅವಳ ಹೆಜ್ಜೆ ಹಿಂದೆ ಸಾಗಿತ್ತು ಉಸಿರು

ಆಗಾಗ ಹಿಂದಿರುಗಿ ನೀ ನನ್ನ ನೋಡಲು
ತೆರೆದಿರಿಸಿದೆ ಸುಮ್ಮನೆ ನನ್ನೆದೆಯ ಬಾಗಿಲು
ಸದ್ದಿಲ್ಲದೇ ಒಳಬಂದು ನೀ ನೋಡು ಗೆಳತಿ
ಈ ಪ್ರೀತಿ ಅರಮನೆಗೆ ನೀ ತಾನೇ ಒಡತಿ

ಸೂರ್ಯನ ಕಿರಣ ನನ್ನನ್ನು ಸುಡಲು
ಆಗಲೇ ಎದ್ದೆ ಹಗಲನ್ನು ನೋಡಲು
ಕನಸೆಂದು ತಿಳಿದು ನನ್ನನ್ನೇ ಶಪಿಸಿದೆ
ಕಾಣಲಿ ಮತ್ತೆ ಎಂದು ನಿದ್ದೆಗೆ ಯತ್ನಿಸಿದೆ