ಮತ್ತೆ ಕಾಣಬೇಡ

(ವಿಷಯ : ಪ್ರೇಯಸಿ ದೂರ ಸರಿದ ನಂತರ , ಅಂಥವಳನ್ನೇ ಮತ್ತೆ ಕಂಡಾಗ ಅವನ ಮನದಲ್ಲಿ ನಡೆದ ಸಂಭಾಷಣೆ )
**********************************
ಎಲ್ಲ ಮರೆತು ಮತ್ತೆ ನಾನಾಗಿದ್ದೆ ಮೊದಲಿನಂತೆ
ಅಷ್ಟರಲ್ಲೇ ಕಂಡಿದ್ದಳು ಮತ್ತೊಬ್ಬಳು ಅವಳಂತೆ

ನೆನಪಾಗಿತ್ತು ಆ ಬೆಳಕು ನನ್ನವಳು ನಗುವಾಗ
ಮತ್ತೆ ಆ ನಗುವನ್ನು ಇವಳಲ್ಲಿ ಕಂಡಾಗ

ಮೋಹಗೊಂಡಿತ್ತು ಮತ್ತೆ ಅವಳೆಡೆಗೆ ಮನಸು
ಕಾಣ ಬಯಸಿತ್ತು ಮತ್ತೆ ಇನ್ನೊಂದು ಕನಸು

ಮತ್ತೇಕೆ ಅವಳು ಇವಳಲ್ಲಿ ಕಂಡಳು
ನೇರವಿದ್ದ ದಾರಿಯಲಿ ಮತ್ತೆ ತಿರುವು ನೀಡಲು

ನನಗೇಕೆ ಮತ್ತೆ ಅವಳೆಡೆಗೆ ಮೋಹ
ತೀರಲಿಲ್ಲವೇನೆ ನಿನಗೆ ನನ್ನ ಕೊಲ್ಲೋ ದಾಹ

ಮತ್ತೆ ಕಾಣಬೇಡ ನಾ ನಡೆವ ದಾರಿಯಲಿ
ಕಂಡರೂ ಕೊಲ್ಲಬೇಡ ಆ ನಿನ್ನ ನೋಟದಲಿ

***********************************