ಆ ದಿನಗಳು !!

 ಅಷ್ಟಿಷ್ಟು ಸಿಕ್ಕಷ್ಟು ಕೂಡಾಕುವೆ
ಹಳೆ ನೆನಪನ್ನು ನಾ  ಕೆದರಿ, ಕ್ಯೆ ಹಾಕುವೆ

ಎಲ್ಲಾನು  ಸುಂದರ ಆ ವಯಸಲಿ 
ನೆನೆದರೆ  ಕಣ್ಣೀರು, ಈ ಹೊತ್ತಲಿ..

ಅಮ್ಮ, ನೀ ನನ್ನ ಜೊತೆ ಇದ್ದೆ ೫ ರ ವರೆಗೆ
ಅಲ್ಲಿಂದ ಮುಖ ಮಾಡಿದೆ, ಶಾಲೆ ಕಡೆಗೆ
ಎಲ್ಲಿಂದ ಶುರು ಮಾಡಲಿ, ಎಲ್ಲ ಹೊಸ ಪರಿಚಯ

ಪಕ್ಕ ಕೂತವನೆ ನನಗಾದ ಮೊದಲನೆ ಗೆಳೆಯ ..

height  wise ಕೂತಾಗ ಮೂರನೇ ಬೆಂಚು
ನನಗಿಷ್ಟ  ಆಗ್ತಿದ್ದು  ಆ last ಬೆಂಚು
ಶಿಸ್ತಂದ್ರೆ ಸಾಯ್ತಿದ್ಲು, ನಮ್ ಕ್ಲಾಸ್ teacher
ಅವಳಂತೆ ಕುಣಿತಿದ್ದ, ನಮ್ ಕ್ಲಾಸ್ ಲೀಡರ್..

 ಶುರುವಾಯ್ತು ನಾಚಿಕೆ  ನಿಕ್ಕರ್ ಹಾಕೋಕೆ
 ಅಪ್ಪ ಕೇಳಿದ್ದ, ಈಗಲೇ ಪ್ಯಾಂಟ್ ಯಾಕೆ ?
 ಚಿಕ್ಕ ಜಡೆ ಹುಡುಗಿ ನನ್ನ notes ಕೇಳ್ತಿದ್ದಳು
 ನನ್ನ ಹೊಸ ಪ್ಯಾಂಟ್ ನೋಡಿ ತುಂಬ ನಕ್ಕಿದಳು..

ಗೆಳೆಯ ಊರು ಬಿಡೋವಾಗ ನಾ ಅತ್ತಿರಲಿಲ್ಲ
ಕಂಡಷ್ಟು ದೂರ, ಅವನನ್ನು ನೋಡದೆ ನಾನಿರಲಿಲ್ಲ
ತುಂಬಾ ಚೆನಾಗಿದ್ದವು ಆ ದಿನಗಳು
ನೆನೆಯಲಷ್ಟೆ ಈಗ ಆ ಕ್ಷಣಗಳು..

ಅಷ್ಟಿಷ್ಟು ಸಿಕ್ಕಷ್ಟು ಕೂಡಾಕುವೆ
ಹಳೆ ನೆನಪನ್ನು ನಾ  ಕೆದರಿ ಕ್ಯೆ ಹಾಕುವೆ

ಎಲ್ಲಾನು  ಸುಂದರ ಆ ವಯಸಲಿ 

ನೆನೆದರೆ  ಕಣ್ಣೀರು ಈ ಹೊತ್ತಲಿ
                                 -ಶ್ರೀ